İzdestirý barysynda Kókshetaý polısıasy balany bir páterden tapty.
Aǵymdaǵy jyldyń 11 mamyrynda Kókshetaý q. PB jedel basqarý ortalyǵyna oblys ortalyǵynyń turǵynynan shamamen 20 mınýt buryn onyń 2 jasar qyzy joǵalyp ketkeni týraly telefon arqyly habarlama kelip tústi.
«Er adam shuǵyl jumysqa shaqyrylyp, balany jaqsy tanys kórshisine, qart adamǵa qaldyrýǵa májbúr bolǵanyn, al qaıtyp kelgende, zeınetker balanyń qaıda ekenin bilmeıtinin aıtyp túsindirdi», - delingen habarlamada. Bul týraly Aqmola oblystyq polısıa departamentiniń baspasóz qyzmeti habarlady.
2 jasar balanyń joǵalyp ketý faktisi boıynsha polısıa basqarmasynyń qyzmetkerleri izdestirý sharalaryn júrgizdi.
Tártip saqshylary qyzdyń bolýy múmkin barlyq jaqyn aýmaqtar men baǵyttardy sholyp shyqty. Qabyldanǵan sharalardyń nátıjesinde Kókshetaý qalasy PB ıývenaldy polısıa bóliminiń ýchaskelik ınspektorlary Qýat Qajymov pen Nurtileý Amanjol ótinish berýshi turǵan úıdegi páterlerdiń birinen qyzdy taýyp aldy.