2023 jylǵy 1 qańtardaǵy jaǵdaı boıynsha, Qazaqstan halqynyń sany 19 765 004 adamǵa jetti.
Mundaı derekti Ulttyq statısıka búrosy keltirgen, dep habarlaıdy Almaty-akshamy.kz.
Atap aıtqanda, 12 mln 208,2 myń adam qalada tursa, aýyl turǵyndarynyń sany – 7 mln 556,7 myń adam.
«Byltyr respýblıkada 403,5 myń sábı ómirge keldi. Onyń ishinde 208 myńy – ul bala, 195,5 myńy – qyz bala. Al 134,7 myń adam qaıtys boldy. Halyqtyń tabıǵı ósimi ótken jyldyń 12 aıynda 268,8 myń adamdy qurady», - delingen habarlamada.
Bala týý kórsetkishiniń eń joǵary deńgeıi Mańǵystaý, Túrkistan oblystarynda jáne Shymkent qalasynda baıqaldy.
Ólim-jitimniń eń joǵary deńgeıi Soltústik Qazaqstan, Shyǵys Qazaqstan jáne Qostanaı oblystarynda tirkeldi.