Oǵan 367 mıllıon teńgeden astam qarjyny urlady dep aıyp taǵylǵan.
Shymkenttiń qylmystyq ister jónindegi aýdanaralyq soty dál jınalys bolyp jatqan kezinde ustalǵan sheneýnikke qatysty úkim shyǵardy, dep habarlaıdy aqshamnews.kz
Sottyń deregine sensek, turǵyn úı basqarmasy basshysynyń orynbasary kópqabatty turǵyn úılerdi jóndeýge jáne olardyń seısmıkalyq tózimdiligine tehnologıalyq saraptama júrgizýge bólingen 367 mıllıon teńgeden astam qarjyny urlady dep aıyptaldy. Tergeýshilerdiń aıtýynsha, ol urlanǵan aqshany monsha keshenin salyp, ony ata-anasynyń atyna rásimdegen, sol sebepti oǵan da qylmystyq kiristi zańdastyrý baby boıynsha aıyp taǵylǵan. Onymen birge aqshasyn qaıtaryp alǵan jeke kásipker urlyq jasaǵany úshin sottaldy.
«Sottalýshylardyń kinási kýálardyń aıǵaqtarymen, zattaı dáleldemelermen, UQK qorytyndysymen, mamandar men sarapshylardyń qorytyndylarymen, sondaı-aq is boıynsha jınalǵan basqa da dáleldemelermen dáleldendi», - dedi sot.
Sheneýnik múlkin tárkileýmen 9 jylǵa, al kásipker 8 jylǵa bas bostandyǵynan aıyryldy.
Sottyń úkimi zańdy kúshine engen joq.