Qyzylkúreń belbeý ıegeri 48 kelige deıingi salmaqta beldesti
Ábý-Dabıde ótip jatqan álem chempıonatynda 15 jastaǵy qazaqstandyq Jibek Qulymbetova taǵy bir «altyn» jeńip alyp, jıý-jıtsýdan alty dúrkin álem chempıony atandy, dep habarlaıdy Almaty-akshamy.kz QazAqparatqa silteme jasap.
Qyzylkúreń belbeý ıegeri 48 kelige deıingi salmaqta beldesti. Ol 16-17 jas aralyǵyndaǵy sportshylarmen synǵa tústi. Abu Dhabi World Jiu-Jitsu Championship dep atalatyn chempıonat belbeý júıesi boıynsha ótti. Fınalda Jibek BAÁ-niń jergilikti sportshysymen kúsh synasyp, upaı sanymen jeńiske jetti.
Chempıonnyń aıtýynsha, ol arab qalasynda 20 kún bolǵan. Osy ýaqytta deıin jergilikti klýbtardyń birinde jattyqqan Jibek osy komandanyń sportshylaryna rızashylyǵyn bildirdi. Sonymen qatar ol jattyqtyrýshy Nursultan Orynbasarovtyń erekshe eńbegin atap ótti.
«Nursultan aǵa meni jıý-jıtsýǵa ǵashyq etip, álem chempıony etti. Oǵan óte rızamyn. Sondaı-aq meni qoldaǵan barsha jurtqa alǵys aıtamyn», - dedi chempıon qyz.
Birer kún buryn Ábý-Dabıde Ju-Jitsu World Championship Abu Dhabi 2022 chempıonaty ótip, onda Jibek Qulymbetova bes dúrkin álem chempıony atandy. Jarys «ne-vaza» tártibi boıynsha ótti.
Jibek Qulymbetova – Almaty oblysynan Saǵadat Nurmaǵambetov atyndaǵy «Saǵadat batyr – QTT» sport klýbynyń tárbıelenýshisi. Sondaı-aq grepplıngten álem chempıony, sambodan álem chempıonatynyń qola júldegeri, kóptegen halyqaralyq jáne respýblıkalyq jarystardyń jeńimpazy, júldegeri. Qazan aıynyń basynda ol Ábý-Dabıde ótken eń iri AJP Tour Asia Continental PRO - GI týrnırinde jeńiske jetti.
Chempıonatta S.Nurmaǵambetov atyndaǵy klýbtyń basqa sportshylary da óner kórsetip, 25 altyn, 15 kúmis jáne 5 qola medal jeńip alǵan.