QR Ulttyq kitaphanasynyń N. Dáýletova atyndaǵy zalynda Qazaqstan Jazýshylar jáne Jýrnalıser odaǵynyń múshesi, QR Mádenıet qaıratkeri, QR Aqparat salasynyń úzdigi, belgili aqyn, tanymal jýrnalıs Tóreǵalı Táshenovtiń mereıtoıyna oraı ádebı basqosý jáne «Aıttym quldyq, Qalamqas» jyr kitabynyń tusaýkeseri ótti.
Keshti belgili akter, Qazaqstan Respýblıkasynyń eńbek sińirgen qaıratkeri, «Daryn» memlekettik jastar syılyǵynyń laýreaty, Qazaqstan avtorlary qoǵamynyń bas dırektory Esenalıev Baıǵalı Maqulbekuly júrgizdi.
İs-sharada Qazaqstan Respýblıkasy Prezıdentiniń keńesshisi Otarbaev Málik Nurjanuly sóz sóılep, Qazaqstan Respýblıkasynyń Memlekettik keńesshisi Karın Erlan Tynymbaıulynyń aqyn T. Táshenovke Quttyqtaý hatyn tabystady.
Lenta qıý rásimine qatysqandar: Málik Otarbaev, Baýyrjan Jaqyp, Shámil Ábiltaı, Baıbota Qoshym-Noǵaı.
Sóz sóılegen qońaqtar: belgili aqyn, fılologıa ǵylymdarynyń doktory, profesor, QR eńbek sińirgen qaıratkeri, Jazýshylar Odaǵy tóraǵasynyń orynbasary Baýyrjan Jaqyp; QR Ulttyq kitaphanasynyń Kórmeler jáne mádenı baǵdarlamalar qyzmetiniń jetekshisi Janar Ábdikerimova; prozaık, «Aıqyn» gazetinniń jýrnalısi Nurbolat Adyrbek; «Ana tili» gazetiniń bas redaktory, Qazaqstannyń eńbek sińirgen qaıratkeri, QR Prezıdenti syılyǵynyń laýreaty Qalı Sársenbaı; aqyn, Qazaqstan Jazýshylar odaǵynyń múshesi Kádirbek Qunypıauly; jýrnalıs, «Sozaq úni» gazetiniń bas redaktory Sársenbek Teńizbaev jáne t.b.
Shara barysynda dombyrashy, kompozıtor, kúıshi, Qazaqstannyń eńbek sińirgen qaıratkeri Shámil Ábiltaev pen beligili ánshi, mádenıet qaıratkeri Jubanysh Jeksenuly óner kórsetti.
Keshtiń sońynda T. Táshenov qorytyndy sóz sóılep, sıasy keppegen jańa jyrlarynan úzindi oqydy.
Sonymen qatar, is-sharaǵa QR Ulttyq kitaphanasynyń qorynan avtordyń shyǵarmashylyǵyna arnalǵan «Tóreǵalı Táshenov» atty kitap kórmesi uıymdastyryldy.
Jańa kitap is-shara sońynda QR Ulttyq kitaphanasynyń qoryna syıǵa tartylyp, qatysýshylarǵa tabystaldy.
Qatysýshylar: Tóreǵalı Táshenovtiń týystary, aqyn-jazýshylar, ádebıettanýshylar, qoǵam qaıratkerleri, BAQ ókilderi, stýdentter jáne kitaphana oqyrmandary.