«Jibek Joly» temirjol týry iske qosylǵannan beri 540 týrıs osy biregeı baǵytqa bılet satyp alǵan. Joba Ortalyq Azıanyń kórnekti brendi bola alatyn perspektıvalyq týrısik ónim retinde ózin tanytty. Bul týraly óńirlik komýnıkasıalar qyzmetiniń baspasóz máslıhatynda «Jolaýshylar tasymaly» AQ «Ońtústik» aımaqtyq fılıalynyń dırektory Rýslan Jalǵasbaı málim etti, dep habarlaıdy aqshamnews.kz
Onyń aıtýynsha, qazirgi ýaqytta poıyz Uly Jibek joly boıynsha saıahaty sátti júzege asyp, onyń baǵdarlamasyna Ortalyq Azıanyń eń kóne qalalarynyń biri Taraz qosyldy.
«Kelesi sapar Naýryz merekesine oraı josparlanǵan. Týr «Almaty – Túrkistan – Tashkent – Samarqand – Taraz – Almaty» baǵytyn qamtıdy jáne bıletter tolyǵymen satylyp ketti. Saparǵa 300 adam shyǵady dep kútilýde», - dedi Rýslan Jalǵasbaı.
Óz kezeginde «Kazakh Tourism» UK» AQ basqarma tóraǵasynyń orynbasary Danıel Serjanuly Qazaqstan men Ózbekstandy baılanystyratyn joba ótken jyldyń qarasha aıynda bastalǵanyn eske saldy. Saıahatqa qazaqstandyqtar ǵana emes, Túrkıa, Qyrǵyzstan, Ýkraına jáne Reseıden kelgen týrıser arasynda turaqty suranys bar.
«Bul joba óńirlik týrızmdi damytýdyń jańa perspektıvalaryn ashyp, mádenı baılanystardy nyǵaıtýǵa jáne týrısik aǵyndy keńeıtýge yqpal etedi», - dep atap ótti Danıel Serjanuly.
Bul rette, «Qazaqstandyq týrızm ındýstrıasy» respýblıkalyq qaýymdastyǵynyń tóraǵasy Mýnıram Ahmetovanyń aıtýynsha, halyqaralyq týrdyń uzaqtyǵy bes kúnge sozylady. Týrıser ejelgi qalalardyń atmosferasyna enip, Uly Jibek jolynyń izimen saıahattaıdy jáne eki eldiń kórikti jerlerin aralaıdy.
«Bul týrdyń basty artyqshylyqtarynyń biri - jaıly turý. Týrıser demalýǵa barlyq jaǵdaı jasalǵan poıyzda túnep, kúndiz tarıhı oryndardy belsendi túrde zertteıdi», – deıdi Mýnıram Ahmetova.
Onyń aıtýynsha, týr baǵdarlamasyna gıd, tamaqtaný, kólik qyzmeti jáne ekskýrsıalarǵa kirý bıletteri kiredi.
Osylaısha, «Jibek joly» transshekaralyq poıyzy elder arasyndaǵy týrısik baılanysty nyǵaıtyp, óńirdiń mádenı murasyn tanymal etýdegi mańyzdy bastamaǵa aınalyp otyr.
