Sıan qalasynda «Bir beldeý, bir jol» medıayntymaqtastyǵy forýmy ótip jatyr.
Forým aıasynda medıadıalog taqyrybynda plenarly sesıa ótti, dep habarlaıdy Almaty-akshamy.kz Baq.kz-ke silteme jasap.
«Shensı - arheologıa zertteýleri salasyndaǵy eń aýqymdy provınsıasy. Biz basqa da arheologıa ortalyqtarymen birige otyryp arheologıa salasyndaǵy Jibek joly veb-saıtyn ázirledik. Bul platforma qytaı, orys jáne aǵylshyn tilderinde jumys isteıdi», - dep aıtty bas redaktor forýmda.
Onyń sózinshe, saıt jumysy tolyq aıaqtaldy jáne ol tamyzdyń aıaǵynda iske qosylady.
«Árıne, bul saıt Jibek jolyna arnalǵan eń alǵashqy arheologıa saıty bolady. Bul platformada «Bir beldeý, bir jol» aıasynda júrgizilgen arheologıalyq jumystar týraly málimetter bolady», - dep túsindirdi Djan Lıanı.
Aıta keteıik, Shaanxi Daily gazeti Qytaıdyń eń tarıhı provınsıalyq gazetiniń biri.
Forýmǵa Qazaqstan, Ózbekstan, Qyrǵyzstan, Tájikstan, Armenıa, Grýzıa, Ázerbaıjan, Belarýs Respýblıkasy, Latyn Amerıkasy elderi, Ońtústik Koreıa, Mysyr jáne basqa da elder qatysyp jatyr.
Eske sala keteıik, Qazaqstan men Qytaı arasyndaǵy dıplomatıalyq qarym-qatynastardyń ornaǵanyna bıyl 30 jyl tolyp otyr. Osy ýaqyt aralyǵynda eki el ártúrli salada seriktestik ornatty.