Úsharal áýejaıy tekserýden ótip, paıdalanýǵa berildi.
IIDM Azamattyq avıasıa komıtetiniń málimetinshe, «Qazaqstannyń avıasıalyq ákimshiligi» AQ ınspektorlary jasandy ushý-qoný jolaǵy qaıta jańartylǵan Úsharal áýejaıyna sertıfıkattyq tekserý júrgizdi. Búgingi tańda negizgi jumys túrleri, onyń ishinde ushý-qoný jolaǵyn 2 700 metrge deıin uzartý jáne rúldeý jolyn keńeıtý aıaqtaldy, dep habarlaıdy Almaty-akshamy.kz.
Jetisý oblysynyń ákimdigi merdigerlik uıymmen birlesip joba boıynsha qalǵan jumystardy iske asyrýdy jalǵastyrýda.
Júrgizilgen tekserý nátıjeleri boıynsha Úsharal áýejaıyna paıdalanýǵa jaramdylyq sertıfıkaty berildi. Búgin avıakompanıalar Úsharal – Almaty jáne Úsharal – Nur-Sultan sýbsıdıalanatyn baǵyttary boıynsha avıabıletterdi satýdy bastaıdy. Reısterdi «SCAT» áýe kompanıasy «CRJ2» áýe kemelerinde (syıymdylyǵy 50 oryndyq) jazǵy maýsymda ár baǵyt boıynsha aptasyna 14 reıs jıiligimen, qalǵan ýaqytta 7 reıs oryndaıtyn bolady. Bılet quny 15 000 jáne 16 000 teńge. Ushýlar osy jyldyń 15 tamyzynan bastalady, - dep jazylǵan Komıtet habarlamasynda.