Jasandy ıntellekt (AI) álemdik ekonomıkaǵa aıtarlyqtaı yqpal etýde. 2030 jylǵa qaraı onyń úlesi 20 trıllıon dollarǵa jetedi. Bul týraly Digital Almaty 2025 sıfrlyq forýmy barysynda QR Premer-mınıstri Oljas Bektenov málimdedi, dep habarlaıdy Aqshamnews.kz
IDC saraptama kompanıasynyń zertteýlerine sáıkes, AI tehnologıasynyń arqasynda JİÓ jyl saıyn 2-3%-ǵa ósýi múmkin. Osy múmkindikti el ekonomıkasyn damytý úshin barynsha paıdalaný qajet ekenin aıtty Úkimet basshysy.
Oljas Bektenov jasandy ıntellekttiń keń taralýyna yqpal etetin úsh negizgi faktordy atady:
Adamı kapıtaldy damytý – IT salasyndaǵy álemdik kóshbasshylar ǵylymı jobalardy birigip júzege asyrýda.
Kooperasıaǵa kóshý – Jasandy ıntellekt básekelestikten birlesken damý kezeńine ótýde.
Ashyq ınovasıalar – Belgili platformalarda entýzıastar óz jobalarymen bólisip, jalpy tehnologıalyq ilgerileýge yqpal etýde.
"Biz bul tájirıbeni ózimizdiń jáne birlesken jobalarymyz úshin paıdalanýymyz kerek", – dedi Bektenov.