Óńirde jumyspen qamtýdyń belsendi sharalaryna jumyssyz júrgender men ózin-ózi jumyspen qamtyǵandar tartylǵan.
Aǵymdaǵy jyldyń alty aıynda Almaty oblysyndaǵy jumyssyz júrgen 30 myń adam jumyspen qamtylǵan, dep habarlaıdy Almaty-akshamy.kz.
«Oblystyq ekonomıka jáne búdjettik josparlaý basqarmasynyń málimetine qaraǵanda, «Jumyspen qamtý jol kartasy» baǵdarlamasyn júzege asyrýǵa bıylǵy jyly oblysqa 31,8 mlrd. teńge bólingen. Bıylǵy jyldyń birinshi jartysynda halyqty jumyspen qamtýdyń belsendi sharalarymen óńirde 30 myń adam qamtylǵan. Sonyń ishinde «Jumyspen qamtý jol kartasy» baǵdarlamasy arqyly 3,3 myń adam jumysqa ornalasqan», – delingen Almaty oblysynyń ákimdigi baspasóz qyzmetiniń habarlamasynda.
Resmı derek boıynsha, bıylǵy jyly «Jumyspen qamtýdyń jol kartasy», «Bıznestiń Jol kartasy», «Eńbek» baǵdarlamalary men «Jetisý» óńirlik baǵdarlamasy sheńberinde qarjy kólemi 23 mlrd teńgege deıin ulǵaıtylǵan.
Birinshi jartyjyldyqta 7,5 mlrd teńgege 990 joba qarjylandyrylyp, 2 750 turaqty jumys orny qurylǵan. Bıylǵy jyly jalpy ishki ónimdegi shaǵyn jáne orta bıznestiń úlesi 34,3% jetedi.