Almaty oblysyna keletin týrıser sany byltyrǵymen salystyrǵanda 25 paıyzǵa kóbeıgen.
Jarty jyldyń ishinde óńirge 530 myńnan asa adam kelgen. Týrıserdiń kóbi Alakóldiń shıpaly sýyna shomylyp, Kólsaıda demalady, dep habarlaıdy Almaty-akshamy.kz Almaty oblysy ákimdiginiń baspasóz qyzmetine silteme jasap.
Kólsaı – Jetisýdaǵy eń kórikti jerlerdiń biri. Ol joǵarǵy, ortańǵy jáne tómengi Kólsaı dep atalatyn úsh kólden turady.
Tómengi Kólsaı kóli teńiz deńgeıinen 1800 metr bıiktikte ornalasqan. Onyń jalpy aýmaǵy – 33 myń sharshy metr. Al tereńdigi 40 metrge deıin jetedi. Tumsa tabıǵatty kórýge qushtar týrıserdiń kóbi osy jerge keledi.
Alataýdyń baýraıyndaǵy kóz tartatyn kórikti mekenge bıyl 110 myńnan astam asa adam keldi. Taýlary qaraǵaımen kómkerilgen aımaqta týrıser úshin birneshe baǵyt ázirlengen. Sonymen qatar taza aýamen tynystap, qaıtalanbas tabıǵat sulýlyǵyn tamashalap qaıtýǵa bolady.
«Qazaqstannyń Altyn ordasy, osy tabıǵatta dem alǵannyń ózi rahat. Qazaqtyń myqty jeri deýge bolady. Kólsaıdaǵy etnoaýylda halqymyzdyń ótken ǵasyrdaǵy turmys-tirshiligi dáriptelgen. Onda qusbegilik, saıatshylyq syndy bekzat ónermen de tanysýǵa múmkindik bar. Buǵan, ásirese, sheteldikterdiń qyzyǵýshylyǵy joǵary», - deıdi týrıs Qaıypbergen Muratbaev.
Almaty oblystyq týrızm basqarmasy basshysynyń mindetin atqarýshy Azamat Muhametkárimovtiń sózine sensek, 2021 jylǵy 6 aı kórsetkishi boıynsha Alakól kóliniń jaǵalaýyna 230 myń adam kelgen. Qapshaǵaı sý qoımasynyń kóline 250 myńdaı adam. Balqash kóliniń jaǵalaýyna 6 myńdaı adam kelgen. Budan byltyrǵy kórsetkishtermen salystyrǵanda edáýir óskeni baıqalady. Bul kórsetkishter týrızm salasynyń óz qalpyna kele bastaǵan ósý dınamıkasyn kórsetedi.
Almaty oblysynda Altynemel, Sharyn, Kólsaı syndy 5 ulttyq park bar. Odan bólek, óńirdiń ońtústiginde qysqy týrısik keshender jumys isteıdi. Sala mamandary jyl sońyna Jetisý jerine keletin týrıser sany 1 mln 400 myńǵa jýyqtaıdy dep boljam jasap otyr.