Bul másele aldaǵy eki aıda sheshiledi.
Almaty oblysynda tabıǵı gaz jelisine qosylý quny retteledi. Bul týraly Almaty oblysynyń ákimi Qanat Bozymbaev Taldyqorǵanda ótken brıfıń kezinde aıtty, dep habarlaıdy Almaty-akshamy.kz Almaty oblysy ákiminiń baspasóz qyzmetine silteme jasap.
«Almaty oblysynda gazdandyrý tek búdjet qarajatyna ǵana emes, jekelegen aýdandarda ınvestısıa tartý arqyly da júrgizilip keledi. Biraq turǵyn úı-kommýnaldyq sharýashylyq basqarmasy basshylyǵy men mamandarynyń baqylaýynyń osaldyǵynan keıbir kompanıalar gazǵa qosý qunyn kóterip jibergen. Osy baǵa máselesine qatysty bizge halyqtan kóp shaǵym túsedi. Birinshi kezekte «JetisýOblGaz» mekemesine jańa basshy taǵaıyndadym. Tájirıbesi bar maman. Qazir ol barlyq aýdandardy aralap, jaǵdaımen tanysa bastady. Biz gazǵa qosýdyń ózindik qunyn esepteımiz. Sosyn ákimdik tarapynan baǵaǵa qatysty tıisti usynym beretin bolamyz. Áıtpese, gaz jelisine qosýdyń quny 500-700 myń tg deıin baratyn jaǵdaılardy da estip júrmiz. Aldaǵy eki aıda bul jumysty retteımiz. Qaýipsizdikti qamtamasyz etý jaǵynan da barlyq noramalar men talaptar saqtalýy kerek», - dedi Qanat Bozymbaev.