Grek-rım kúresiniń balýandary beldesti.
Túrkıanyń Stambýl qalasynda kúres túrlerinen reıtıńilik «Iashar Dogý» týrnıri bastaldy. Birinshi jarys kúninde grek-rım kúresiniń balýandary beldesti, dep habarlaıdy Almaty-akshamy.kz Olympic.kz cilteme jasap.
55 kelide fınalda beldesken Amanǵalı Bekbolatov kúmis júldeger atandy. Ol aqtyq synda túrkıalyq Adem Býrak Uzynmen kezdesip, 5:6 esebimen qarsylasqa jol berdi.
Osy salmaqtaǵy Marlan Muqashev qola júlde úshin kúreste qarsylasyna jol berdi.
60 keli salmaqta qazaqstandyq Ernar Fıdahmetov top jardy. Ol fınalda túrik balýany Ekrem Óztúrkti jeńgen. Ernardyń baýyry Ernur Fıdahmetov osy salmaqta qola júldeger atandy.
63 kelide el namysyn qorǵaǵan Aıdos Sultanǵalı men Ǵalym Qabdynazarov júldege ilikken joq.
67 kelidegi Meıirjan Shermahanbet týrnırdiń qola júldesin jeńip aldy. Ol jartylaı fınalda norvegıalyq Morten Torrensonnan jeńilgen. Sultan Ásetuly men Danıar Qalenov alǵashqy aınalymdarda utylǵan.
87 kelidegi Ýmalt Daýdov qola júlde úshin kúreste túrkıalyq balýanǵa ese jiberse, 97 kelidegi Ýmaev ta qola medaldan aıyrylyp qaldy.