Sot qaýlysymen ýchaskeler májbúrlep alyndy.
Jetisý oblysynda 221 gektar jer memleket qoryna qaıtaryldy, dep habarlaıdy aqshamnews.kz
Prokýratýranyń málimetinshe, 2014 jyly Eskeldi, Kóksý, Kerbulaq aýdandarynda ornalasqan jalpy aýdany 221 gektar 5 jer ýchaske «K» ı «A» JSHS-ǵa sý elektr stansıasyn salý úshin berilgen.
Jetisý oblysynyń jer resýrstaryn basqarý departamenti júrgizgen jospardan tys tekserý barysynda atalǵan jer ýchaskeleri berilgen sátten bastap maqsatyna saı paıdalanylmaǵany anyqtaldy.
Departament zań buzýshylyqtardy joıý boıynsha tıisti sharalar qabyldaǵanmen, JSHS nusqamanyń oryndalýyn elemedi.
Jetisý oblystyq sotynyń azamattyq ister jónindegi sot alqasynyń qaýlysymen jer ýchaskelerin májbúrlep alyp qoıý týraly sheshim qabyldandy.