Jetisý oblysy Rýdnıchnyı aýylyndaǵy apatty jaǵdaıda turǵan mekteptiń ornyna jańa ǵımarat salýǵa 2,6 mlrd teńge bólindi
Memleket basshysynyń tapsyrmasy boıynsha «Zańsyz ıemdenilgen aktıvterdi memleketke qaıtarý týraly» Zań sheńberinde Arnaýly memlekettik qor qarajaty esebinen Jetisý oblysy Rýdnıchnyı aýylynda apatty jaǵdaıdaǵy mekteptiń ornyna jańa ǵımarat salynady. Úkimet bul jobany júzege asyrýǵa 2,6 mlrd teńge bólý týraly sheshim qabyldady, dep habarlaıdy aqshamnews.kz
1969 jyly salynǵan orta mekteptiń eski ǵımaratynda 140-tan astam bala bilim alýda. 55 jyldan beri bilim oshaǵy eshqandaı kúrdeli jóndeý júrgizilmegen. Qazirgi ýaqytta mektep apatty jaǵdaıda: sý jáne káriz qubyrlary tozǵan, jylý júıesi zaqymdanǵan. Jalpy, ǵımarattyń fızıkalyq tozý deńgeıi 40%-dy quraıdy.
Jańa mektep 200 orynǵa eseptelgen, 30 oryndyq shaǵyn daıyndyq ortalyǵy bolady. Rýdnıchnyı aýylynda barlyǵy 1 myńnan asa adam turady, onyń 241-i mektepke deıingi jáne mektep jasyndaǵy balalar.
Bilim berý nysanynyń qurylysy oryn tapshylyǵy máselesin sheshýge septigin tıgizip, balalardyń zamanaýı talaptarǵa saı bilim alýyna qajetti qolaıly jaǵdaı jasaıdy.
Buǵan deıin Úkimet Petropavlda balabaqsha, Atyraý oblysyndaǵy Jamansor aýylynda jáne Ulytaý oblysynyń Myńadyr stansasynda mektep, Astanada tirek-qımyl apparaty buzylǵan balalarǵa arnalǵan ońaltý ortalyǵy, Aqtóbe qalasynda erekshe balalarǵa arnalǵan arnaıy balabaqsha, Aqmola oblysynyń Zerendi aýylynda sport keshenin salýǵa, Rıdder qalasynda kópsalaly aýrýhana kesheniniń qurylysyn aıaqtaýǵa jáne basqa da jobalardy júzege asyrýǵa qarjy bólgen bolatyn.