Aldaǵy ýaqytta taǵy bir 60 páterli úı paıdalanýǵa beriledi
Jetisý oblysynyń Qarabulaq aýylynda memlekettik baǵdarlamamen salynǵan 60 páterli úı paıdalanýǵa berildi, dep habarlaıdy Almaty-akshamy.kz Qazaqstan.tv-ge silteme jasap.
Baspanaly bolǵandardyń barlyǵy - úı kezeginde turǵan azamattar. Olardyń qatarynda eńbek ardagerleri, múmkindigi shekteýli jandar, kóp balaly analar bar.
Eskeldi aýdanynyń ortalyǵynda birneshe jyldan beri kóp qabatty úı qurylysy júrmeı, baspanaǵa muqtajdar sany 1300-ge jetken. Eldi mekende aldaǵy ýaqytta taǵy bir 60 páterli úı paıdalanýǵa beriledi. Munan bólek, 8 kóp qabatty úı salý úshin ınjenerlik-ınfroqurylym júıeleri tartylyp jatyr.
«Óte qýanyshtymyz. 13 jyldan astam ýaqyt turǵyn úı kezeginde turdyq. Shúkir, búgin osyndaı qýanysh buıyryp, qonys toıyn toılap jatyrmyz. Ulystyń uly kúni - Naýryz merekesimen shyn júrekten quttyqtaımyz. Ár shańyraqta osyndaı mereke, bereke bolsyn!» - deıdi aýyl turǵyny Uljan Botpaeva.