Qyz saýsaǵyn tordan ótkizgen
Óskemendegi haıýanattar baǵynda qasqyr balany tistep aldy. Polıseıler zardap shekken qyzdyń ata-anasyna sotqa júginýge keńes berdi, dep habarlaıdy Almaty-akshamy.kz Tengrinews.kz-ke silteme jasap.
Jábirlenýshiniń ata-anasy polısıaǵa habarlasqan. Olar haıýanattar baǵyndaǵy qaýipsizdik sharalaryn kúsheıtý kerek dep esepteıdi.
"Óskemen qalasynyń Sol jaǵalaý polısıa bólimine 34 jastaǵy áıel kámeletke tolmaǵan balasyn qasqyr tistep alǵan haıýanattar baǵynyń qyzmetkerlerine shaǵymy baryn aıtyp, aryzdandy", - delingen SHQO Polısıa departamentiniń baspasóz qyzmeti taratqan málimette.
Polısıa málimetinshe, 11 naýryzda kámeletke tolmaǵan bala haıýanattar baǵy ornalasqan qalalyq saıabaqta anasymen birge serýendep júrip, qasqyrlar turǵan qorshaýǵa jaqyndap jyrtqyshty sıpamaq bolǵan. Qyz saýsaǵyn tordan ótkizgende qasqyr tistep alǵan.
"Aıta ketetin jaıt, saıabaqtyń ishki erejesi boıynsha, mundaı oqıǵalardy boldyrmaý úshin keıbir áreketterge tyıym salý týraly eskertýleri bar aldyn ala ázirlengen mańdaıshalar ilingen: onyń ishinde janýardyń toryna shyqpaý, onyń toryna qol kirgizbeý bar. Osy erejelerdi saqtamaý saldarynan osyndaı oqıǵa bolǵan", - dedi SHQO PD ókilderi.
Polıseıler bul jaǵdaıda qandaı da bir ákimshilik nemese qylmystyq quqyqbuzýshylyq quramy baıqalmaıtynyn atap ótti.
"Osyǵan baılanysty aryzdanýshyǵa sotqa jeke júginý usynyldy", - dedi polısıa ókilderi.