Dúmpý Almaty ýaqytymen saǵat 01 saǵat 57 mınýtta bolǵan
QR Tótenshe jaǵdaılar mınıstrligine qarasty seısmıkalyq stansalar jelisi jer silkinisin tirkedi, dep habarlaıdy Almaty-akshamy.kz.
Jerasty dúmpýi 26 tamyz kúni Almaty ýaqytymen saǵat 01 saǵat 57 mınýtta bolǵan.
«Zilzala oshaǵy Almatydan sotústik-shyǵysqa qaraı 358 shaqyrym qashyqtyqta, Qazaqstan aýmaǵynda ornalasqan. Energetıkalyq klasy - 9.5. MPV magnıtýdasy – 4.1, baǵyty 45.83° s.e 79.54° sh.b. Tereńdigi – 10 shaqyrym. Sezilgeni jaıly málimet joq»,-delingen kezekshi operatordyń habarlamasynda.
Kartamen qaraǵanda, jer silkinisi tirkelgen aımaq Jetisý oblysy aýmaǵyna kirip tur.
Eske sala keteıik, 23 tamyz kúni astana ýaqytymen 17 saǵat 12 mınýtta Almaty mańynda jer silkingen edi.
Bul – bir táýlik ishindegi ekinshi zilzala. Sol kúni saǵat 16:03-te seısmologtar Almaty qalasynan ońtústik-shyǵysqa qaraı 388 shaqyrym jerde, Qytaı aýmaǵynda taǵy bir jerasty dúmpýin tirkedi.