Polıseıler dárethana shuńqyrynan jańa týǵan náresteni alyp shyqqan
Almatyda dárethana shuńqyryna tastalǵan sábıdi qutqarǵan polıseı marapattaldy, dep habarlaıdy Almaty-akshamy.kz.
İshki ister mınıstri Marat Ahmetjanovtyń buıryǵymen polısıa kapıtany Nurjan Shatýnov óziniń qyzmettik mindetterin adal atqarǵany, balany qutqarý kezinde kórsetken batyldyǵy, erligi men janqıarlyǵy úshin maıor shenin aldy.
Sol buıryqpen leıtenant Ǵazız Hamasqalıev úsh jalaqy mólsherinde syıaqy alady.
Eske sala keteıik, keshe Almatyda polıseıler dárethana shuńqyrynan jańa týǵan náresteni alyp shyqqan edi.
Almaty qalalyq polısıa departamentiniń málimetinshe, túnde saǵat ekide kámeletke tolmaǵan qyzdyń túsik tastaǵany týraly habar berilgen.
Onyń aýrýhanaǵa jatqyzylǵany belgili boldy.
«Dárigerlermen sóıleskennen keıin oqıǵa ornyna baryp, tekserýdi jón kórdim. Basyma «bala qaıda?» degen suraq keldi. Qyzdyń anasynan oqıǵaǵa deıin onyń syrttaǵy dárethanada biraz ýaqyt bolǵanyn bildim. Dárethana ishinen qan izderin taýyp, ishinde jatqan balany kórdim. Ol tynys alyp jatty. Osy kezde jedel tergeý toby keldi, onyń quramynda krımınaldyq polısıa bóliminiń jedel ýákili Ǵazız Hamasqalıev boldy. Dárethananyń edeninen taqtaılardy tez alyp tastadyq. Áriptesim Ǵazız tómenge túsip, balany qyzmettik kóılegine orap, abaılap shyǵaryp aldy», - dedi Nurjan Shatýnov.
Al, 17 jasar qyzdyń anasy onyń júkti bolǵanyn bilmegen. Qazirgi ýaqytta bul derek boıynsha Túrksib aýdandyq PB-na qarasty polısıa bóliminde tergeý amaldary bastaldy.