Jetisý aýdanynyń búdjeti 3 esege jýyq, 6,3 mlrd. teńgeden 18,1 mlrd. teńgege deıin kóbeıdi.
Bul shtat sanyn 19 adamǵa, 36-dan 55-ke deıin arttyrýǵa múmkindik berdi. Bul týraly qala ákimi Erbolat Dosaev aýdan turǵyndarymen kezdesýde aıtty, dep habarlaıdy Almaty-akshamy.kz.
Qarjylandyrý kóleminiń ósýi barlyq aýdan ákimdikterine jańa fýnksıa berý aıasynda júzege asqan.
«Máselen, desentralızasıalaý aıasynda Jetisý aýdanynyń ákimdigi bıyl 500 mln. teńge somaǵa 30 myń sharshy metr jolǵa aǵymdaǵy jóndeý júrgizedi», - dedi ákim.
1 sáýirden bastap Almaty qalasynyń aýdan ákimdikterine 15 fýnksıany berýmen birge búdjet te ulǵaıǵan.