Uly Jeńistiń 80 jyldyǵyna oraı Almaty qalasynyń Jetisý aýdanyna qarasty №129 JBB mekemesiniń uıymshyl ujymy jyldaǵy qalyptasqan dástúr boıynsha birqatar qart maıdangerler men tyl ardagerlerin mektepke shaqyryp merekelik konsert uıymdastyrdy.
İs-sharanyń maqsaty – Otanyn qorǵaǵan batyr babalarymyzdyń erligin dáripteı otyryp, óskeleń urpaqty óz elin, jerin súıýge Qazaq eliniń maıdanda jáne tylda kórsetken eren erligin qurmetteýge, eljandylyqqa tárbıeleý.
Mektep qabyrǵasynda ótken merekelik kesh barysynda sahna tórinde patrıottyq ánder shyrqalyp, soǵys jyldaryndaǵy kórinisterdi beıneleıtin qoıylymdar qoıyldy. Sonymen qatar, kórme uıymdastyrylyp, kelýshiler nazaryna soǵys ardagerleriniń ómiri, erligi men tylda eńbek etken jandardyń úlesi jaıly tyń derekter men fotomaterıaldar usynyldy.
Óz kezeginde sol kúni surapyl soǵysty tebirene eske alǵan ardagerler batyrlardyń qaıtalanbas erligin áńgimelep, oqýshylardyń jigerin janıtyn jigerli sózderin tilge tıek etti.
Mektep dırektory Arhat Sovetovıch ujymdaǵy barsha ustazdar qaýymyn Jeńis merekesimen shyn júrekten quttyqtap, óziniń júrek jardy jyly lebizin bildirdi. Sondaı-aq mektep basshysy soǵys jyldaryndaǵy erligi, eńbekke adaldyǵy men qaharmandyǵy úshin alǵys aıtyp, zor densaýlyq, amandyq pen uzaq ǵumyr tiledi.
«Uly Jeńistiń 80 jyldyǵyn zor qurmetpen jáne rızashylyqpen atap ótýdemiz. Bul jeńisti jaqyndatqan árbir jannyń aldynda taǵzym etetin eldiktiń, birliktiń rýhtyń máńgilik merekesi. Memleket basshysy Qasym-Jomart Toqaev atap ótkendeı, tarıhı shyndyqty saqtaý – bizdiń ult aldyndaǵy paryzymyz. Batyr babalarymyzdyń erligi tek ótkenniń shejiresi emes, búgingi býynnyń rýhanı temirqazyǵy», - deıdi bizge bergen suqbatynda.
Osylaısha birneshe saǵatqa sozylǵan ıgilikti is-shara sońynda mektep oqýshylary men qurmetti qonaqtar jáne ustazdar estelikke sýretke tústi.