Almatyda sý qubyrlaryndaǵy tehnologıalyq jabdyqtardy aýystyrý boıynsha josparly jumystar jalǵasýda, dep habarlaıdy aqshamnews.kz
Sý jetkizý júıesiniń, jumystary jyldam júrdek kólik (BRT) jelisiniń qurylys aımaqtarynda da júrgizilip jatyr. Osyǵan baılanysty «Almaty sý» mekemesiniń málimetinshe, 2025 jyldyń 20 mamyry kúni saǵat 09:00-den 20:00-ge deıin Almaly jáne Bostandyq aýdandarynda kelesi shekaralar aıasynda aýyz sý (salqyn sý) ýaqytsha óshiriledi:
-
Nazarbaev dańǵyly – Makaataev kóshesi – Raıymbek dańǵyly – Chaıkovskıı kóshesi;
-
Abaı dańǵyly – Nazarbaev dańǵyly – Qabanbaı batyr kóshesi – Seıfýllın kóshesi;
-
Abaı dańǵyly – Seıfýllın kóshesi – Qurmanǵazy kóshesi – Baıtursynov kóshesi.
Sondaı-aq, salqyn sýdyń ýaqytsha óshirilýi kelesi áleýmettik jáne ákimshilik nysandarǵa da áser etedi: «Ovasıa» turǵyn úı kesheni, №90 lıseı-mektep, №147 gımnazıa, №120 mektep-gımnazıa, №30 jáne №139 balabaqshalar, Qazaq ulttyq agrarlyq zertteý ýnıversıteti, Lermontov atyndaǵy teatr, Sport jáne týrızm akademıasy, A. N. Syzǵanov atyndaǵy hırýrgıa ǵylymı ortalyǵy, qalalyq revmatologıa ortalyǵy jáne joǵaryda atalǵan kóshe kontýrlarynda ornalasqan ózge de mekemeler.