Búgin aýdan halqymen kezdesken Erbolat Dosaev osyndaı ýáde berdi.
Búginde 2 500 abonentti jańa jelilerge qosý jumystary júrip jatyr, dep habarlaıdy Almaty-akshamy.kz
«Ótken jyly problemalardyń biri sheshilip, Rabochıı (jumysshy) kentindegi 22 kóshedegi 47 km astam (47,6 km) sýmen qamtý (37,5 km) jáne sý burý (10,1 km) jelileri «Almaty Sý» komýnaldyq memlekettik kásipornynyń balansyna berildi. Olar 2019 jyly rekonstrýksıadan ótken bolatyn. Biraq merdigerdiń anyqtalǵan aqaýlardy joıýy qajet bolǵandyqtan, balansqa berý birneshe jylǵa sozyldy. Búginde 2 500 abonentti jańa jelilerge qosý jumystary atqarylýda», - dedi qala basshysy.
Sonymen qatar, 2022 jyly 14,5 km sýmen qamtý (11,9 km) jáne sý burý (2,6 km) jelisi rekonstrýksıalandy.
«Bıyl, ózderińizge ýáde etkendeı, 2 úlken jobany bastaýdy josparlap otyrmyz. Atap aıtqanda, olar – aýdannyń 68 kóshesindegi sýmen jabdyqtaý jelisin modernızasıalaý jáne sý burý jelisin júrgizý (25,6 km. sýmen jabdyqtaý, 72 km. sý burý). Merdiger anyqtaldy, daıyndyq jumystary júrgizilýde, qurylys-montajdaý jumystaryn sáýir aıynda bastap, 2024 jyldyń İİ toqsanynda aıaqtaý josparlanǵan. Sondaı-aq, osy jyldyń naýryz aıynda "Kemel" shaǵynaýdanynyń 33 kóshesinde taratýshy jelini salýǵa konkýrs aıaqtalady (75,6 km). Qurylys-montajdaý jumystary 2023 jyldyń mamyr aıynda bastalady dep kútilýde», - dedi ákim.
Bul jobalardy iske asyrý Jetisý aýdanyndaǵy 10 myńnan astam abonentti sapaly sýmen jáne kanalızasıamen qamtamasyz etýge múmkindik beredi.