Almaty ákimi Jetisý aýdany turǵyndarymen kezdesti.
Jol jabynynyń jaı-kúıi aýdannyń barlyq turǵyndaryn tolǵandyratyn ózekti másele bolyp otyr. Byltyr ákimdik uzyndyǵy 26 km-den asatyn 22 kóshege ortasha jóndeý júrgizdi, dep habarlaıdy Almaty-akshamy.kz.
«2023 jyly aýa raıy qolaıly bolǵan kezde, osy jumystardy jalǵastyramyz. 25 km jolǵa (28 kóshe) ortasha jóndeý júrgizýdi josparlap otyrmyz. Qoǵamdyq kólik qyzmetteriniń sapasyn jaqsartý – bizdiń basty maqsatymyz. 2022 jyly asa suranysqa ıe 8 marshrýttyń (№40, 41, 70, 135, 52, 56, 69, 80) jyljymaly quramy, jalpy sany 117 jańa avtobýs tolyǵymen jańartyldy. Bıyl biz jańa avtobýstardy satyp alý barysynda parkti jańartý jáne jekelegen marshrýttardy kóbeıtýdi jalǵastyrýdy josparlap otyrmyz», - dedi qala ákimi E.Dosaev.
«Mektep avtobýsy» jobasy aıasynda Jetisý aýdanynan mektep oqýshylaryn tasymaldaýǵa asa muqtaj 4 mektep tańdap alyndy. Bul - № 80, 87, 112 jáne 193 mektepter. Osy maqsattarǵa arnaıy 16 avtobýs bólinedi, onyń 3-eýi osy naýryz aıynda balalardy tasymaldaýdy bastaıdy.