Almaty ákimi 22 qarashada «Kemel» shaǵyn aýdanyndaǵy kópir arqyly qozǵalys ashýdy tapsyrdy, dep habarlaıdy aqshamnews.kz
Jetisý aýdanyna jumys sapary barysynda Almaty ákimi Erbolat Dosaev «Kemel» shaǵyn aýdanynda Esentaı ózeni boıyna salynyp jatqan kópirdi aralap kórdi. Buǵan deıin megapolıs basshysynyń tapsyrmasy boıynsha kópirdiń apatty jaǵdaıyna qatysty qozǵalys jabylǵan bolatyn.
60-shy jyldary salynǵan kópir qurylysyna maýsym aıynda júrgizilgen tehnıkalyq zertteý beton konstrýksıalarynyń ishinara buzylýyn, kópir tirekterinde jaryqtardyń paıda bolýyn, deformasıalyq tigistiń bolmaýyn jáne t.b. anyqtady. Osyǵan baılanysty TJ aıasynda jańa kópir salý týraly sheshim qabyldandy.
Bastapqyda kólik qozǵalysyn qazan aıynyń sońynda ashý josparlanǵan bolatyn. Alaıda, topyraq qurylymyna baılanysty josparlanǵan 9 metrdiń ornyna 29 metrlik burǵylaý qadalaryn ornatý qajet boldy. Sonymen qatar, arnaıy tehnıkanyń negizin daıyndaý kezinde ózen arnasynda kópirdiń jaıaý júrginshiler bóligi qulady. Bul bólik jańa kópir salynǵannan keıin bólshektelýi kerek edi, biraq qulaý saldarynan ony erterek bólshekteýge týra keldi. Osylaısha, jumystyń merzimi aýystyryldy.
Qala basshysyna qalalyq mobıldilik basqarmasynyń basshysy Saǵyndyq Telibaev aıtyp ótkendeı, búginde qadalardy ornatý jáne synaý, tirekterdi, tireý qabyrǵalaryn ornatý, arqalyqtardy montajdaý jáne ınjenerlik jelilerdi qaıta qurý jumystary júrgizildi. Sondaı-aq, ǵımarat synaqtan ótti.
Rekonstrýksıalaý qurý nátıjesinde kópirdiń uzyndyǵy 16,8 – den 33 metrge deıin, eni 8,5-ten 14,5 metrge deıin ulǵaıtylady. Sonymen qatar, eki jaǵynan 1,5 m trotýarlardy ornatý josparlanýda.
«Kópir birneshe shaǵyn aýdandar men jaqyn mańdaǵy eldi mekenderdiń turǵyndary úshin kólik baılanysyn qamtamasyz etedi. Bul mańyzdy ınfraqurylymdyq nysan, sondyqtan qurylys múmkindiginshe qysqa merzimde júrgizildi. Geologıa topyraqtyń turaqsyzdyǵyn anyqtady, sondyqtan qadalardy shamamen 30 metr tereńdikke ornatý týraly sheshim qabyldandy, kópir uzyndyǵy boıynsha eki esege jýyq ulǵaıtyldy. Jumystyń negizgi kólemi oryndaldy, qozǵalysty kelesi aptanyń sońyna deıin ashyp, sodan keıin jaıaý júrginshiler bóligi men irgeles aýmaq boıynsha jumystardy aıaqtaý qajet», - dep atap ótti Erbolat Dosaev.
Esterińizge sala keteıik, jańa kópir salý boıynsha jóndeý jumystary aıaqtalǵanǵa deıin atalǵan ýchaskeni aınalyp ótý Muhamedjan Seralın kóshesi arqyly qamtamasyz etilgen.
