Almatynyń Jetisý aýdanynda 65 avtobýs naýryz aıynyń sońyna deıin jańasyna aýystyrylady
Almaty ákimi Erbolat Dosaev Jetisý aýdanynyń turǵyndarymen kezdesýde baıandama jasap, aýdandaǵy jol-kólik ınfraqurylymyndaǵy damýdyń oń dınamıkasyn atap ótti.
Onyń aıtýynsha, 2023 jyly turǵyndardyń ótinishi boıynsha avtobýs marshrýttarynyń bir bóligi túzetilip, uzartyldy, sondaı – aq qarasha aıynda metronyń "Raıymbek batyr" stansıasynan Almaty oblysynyń İle aýdanyndaǵy "Gate City" TK-ne deıin qatynaıtyn ınterval aralyǵy 8 mınýttyq jańa №89 qalalyq baǵyt iske qosyldy.
2023 jyldyń qorytyndysy boıynsha 12 marshrýt jolaýshylardyń jaılylyǵy úshin qosymsha jyljymaly birliktermen – 51 avtobýspen kúsheıtildi jáne 11 marshrýtta 131 avtobýs tolyǵymen jańartyldy.
"Aǵymdaǵy jyldyń naýryz aıynyń sońyna deıin 3 marshrýtta jaılylyqty arttyrý úshin 65 jańa avtobýs esebinen jyljymaly quramdy tolyǵymen jańartý josparlanýda", – dep naqtylady sózin Erbolat Dosaev.