2024 jyly Almatynyń Jetisý aýdanynda mektepke 500 oryndyq qosymsha ǵımarattyń qurylysy aıaqtalady
Bul týraly Jetisý aýdanynyń turǵyndarymen kezdesý barysynda Almaty ákimi Erbolat Dosaev málimdedi. Qala basshysy byltyr oqýshy oryndarynyń tapshylyǵyn odan ári azaıtý úshin «Qulager» shaǵyn aýdanyndaǵy №148 mektep-gımnazıasyna qosymsha qurylys salynǵanyn, №80 mektepte seısmıkalyq kúsheıtýmen kúrdeli jóndeý jumystary júrgizilgenin atap ótti.
«2024 jyly №103 mektepke 200 oryndyq, №112 mektepke 300 oryndyq qosymsha qurylystardy aıaqtaý boıynsha jumystar jalǵasyp jatyr. «Jaıly mektep» Ulttyq jobasy aıasynda 1200 oryndyq jańa mekteptiń qurylysy bastalady», - dedi Erbolat Dosaev.
Sonymen qatar, osy jyldyń mamyr aıynda «Aınabulaq» shaǵyn aýdanynda 160 oryndyq balabaqsha ashý josparlanǵana. Qurylys aıaqtaldy, ǵımarat alǵashqy kelýshilerdi qabyldaýǵa daıyndalyp jatyr.
2024-2025 jańa oqý jylynyń bastalýymen Jetisý aýdanynda 2 qosymsha mektep avtobýsy qatynaı bastaıdy. Joba byltyr balalardyń qozǵalys qaýipsizdigin qamtamasyz etý úshin iske qosyldy: qazir Jetisý aýdanyna 6 mektepten balalardy tasymaldaıtyn 23 avtobýs qyzmet kórsetedi.