Almatyda abattandyrylmaǵan aýmvq jańa serýendeý aımaǵyna aınalady, dep habarlaıdy aqshamnews.kz
Almatynyń Jetisý aýdanynyń turǵyndarynyń ótinishimen «Halyq qatysatyn búdjet» jobasy aıasynda Jumysshy kentinde jańartylǵan serýendeý aımaǵy paıda bolady. 500 metrge sozylatyn abattandyrý jumystary Krylov kóshesi boıymen Kýderın kóshesinen Sahalınskaıa kóshesine deıingi aýmaqta júrgiziledi.
Jańartylǵan skverde jasyl jelekti sýarýdyń avtomattandyrylǵan júıesi, jańa balalar oıyn men sport alańdary ornatylady. Sondaı-aq jaıaý júrginshiler aımaǵynda shaǵyn fýtbol alańy tolyǵymen jóndeýden ótkizilip, oryndyqtar men qoqys jáshikteri qoıylady. Qosymsha sándik qorshaýlar men gabıon qurylymdary ornatylady.
Aýdan turǵyndarynyń qaýipsizdigi úshin ortalyq zırat pen qosymsha joldyń aınalasyndaǵy qorshaýlar tolyǵymen qalpyna keltirildi. Buryn zırattaǵy qorshaýlar apatty jaǵdaıda edi, túngi ýaqytta vandalızm jáne shoıyn qorshaýdy urlaý faktisi tirkelgen. Endi munda uzyndyǵy 2 km bolatyn qorshaýlar ornatylyp, bıiktigi 3 metrlik dýal salyndy. Zırat aınalasyndaǵy 4 myńnan astam apatty jáne qýraǵan aǵashtar sanıtarlyq maqsatta kesildi.
Jańa oqý jylynyń basyna qaraı serýendeý aımaǵy jaqyn mańdaǵy turǵyn úı massıvteri turǵyndarynyń demalýyna qolaıly jaǵdaı jasaıdy: balalar men sport alańdary bar jańa qoǵamdyq keńistik qurylady, skver boıynda avtoturaq oryndary, jaıaý júrginshiler joldary salynady.
Jalpy, «Halyq qatysatyn búdjet» jobasy aıasynda bıyl Jetisý aýdanynda 34 joba júzege asyrylyp jatyr, onyń 24-i aýlalyq aýmaqty aǵymdaǵy jóndeý, 2 jaıaý júrginshiler aımaǵy, 1 saıabaq, 4 qorshaý, 3 skver jáne 3 avtomatty sýarý júıesi. Osy jobalardy júzege asyrý úshin Almaty qalasynyń ákimi Erbolat Dosaevtyń tapsyrmasymen bıyl aýdanǵa osy baǵdarlama boıynsha qarjylandyrý 2 mıllıard teńgege deıin ulǵaıtyldy.