Almatyda Qaldaıaqov kóshesinde Maqataev kóshesinen Qabanbaı batyr kóshesine deıin jol tósemine ortasha jóndeý jumystary júrgizilip jatyr. Sońǵy ret bul ýchaskede jóndeý jumystary 14 jyl buryn - 2010 jyly júrgizildi, dep habarlaıdy aqshamnews.kz
Qalalyq mobıldilik basqarmasynda qazir daıyndyq jumystary, atap aıtqanda, asfáltty qyrý, qısyq (qaıta ornatý) jáne aqaýy bar jıektastardy aýystyrý, túzetý jumystary júrgizilip jatqanyn atady. Jóndelip jatqan aýmaqta barlyǵy 254 metr jıektas aýystyrylyp, 885 metr jıektas tegisteldi. Qaldaıaqov kóshesinde aqaýy bar granıt jıektastar jańasyna aýystyrylyp jatyr.
Jıektastardy tegisteý degen ne?
Aqaýsyz, biraq qısaıǵan jıektastar tegistelip, qaıta ornatylady. Olar sol aýmaqtaǵy joldyń qajettiligine sáıkes qaıtadan ornatý úshin alynyp tastalady.
Qandaı jıektastar aýystyrylady?
Qaıta qoldanýǵa jaramsyz jıektastar aýystyrylady. Bul ádette kólikter men komýnaldyq tehnıkanyń áserinen buzylǵan jıektastar. Jalpy, ortasha jol jóndeý jumystary aıasynda qala boıynsha jańa jıektastardy ornatý jalpy sanynyń shamamen 5%.
Almatyda jıektastar qandaı materıaldan jasalǵan?
Almaty kóshelerinde eki túrli jıektas qoldanylady: uzaq merzimdi tabıǵı granıtten jasalǵan jáne ortasha qyzmet etý merzimi 4-5 jyl bolatyn sement-qumnan jasalǵan jıektas.
Sement-qum jıektastary jol-kólik oqıǵasy nemese qar kúreıtin tehnıkalardan tez tozady. Sondyqtan keıbir magıstraldy kóshelerde sement-qum jıektastar granıtke aýystyrylady. Qoldanýǵa jaramsyz granıt jıektastar da jańasyna aýystyrylady.