Bul keshenderge kún saıyn 700-ge jýyq bala bara alady.
Búgin aýdan halqymen kezdesken qala basshysynyń aıtýynsha, "Kemel", "Aınabulaq" jáne "Qulager" shaǵynaýdandarynda 3 dene shynyqtyrý-saýyqtyrý kesheniniń qurylysy aıaqtaldy, dep habarlaıdy Almaty-akshamy.kz
Oqýshy oryndarynyń tapshylyǵyn azaıtý maqsatynda (1,6 myń oryn) Jetisý aýdanyndaǵy tórt mektepke qosymsha qurylys salý, sondaı-aq eki mektepke kúrdeli jóndeý jumystary júrgizilýde.
Búgingi tańda №148 jáne №112 mektepterdiń árqaısysyn 300 orynǵa keńeıtý, sondaı-aq №101 mektepke májilis zal qosyp salý úshin memlekettik saraptama qorytyndysy alyndy.
Bıylǵy qyrkúıek aıynyń sońyna deıin №103 mektepke 200 oryndyq qosymsha qurylys salý úshin taǵy bir saraptama alynatyn bolady.
2023 jyldyń Ió toqsanynda barlyq 4 obekt boıynsha qurylysty bastaý josparlanǵan.
Bıylǵy qyrkúıek aıynyń sońyna deıin №129 mektepti kúrdeli jóndeý tolyq aıaqtalady. №80 mektepti kúrdeli jóndeý jumystary bastalyp, kelesi oqý jyly bastalǵanǵa deıin aıaqtalady.
Mektepke deıingi uıymdarda oryn tapshylyǵyn azaıtý úshin osy jyldyń shilde aıynda «Aınabulaq-4» shaǵyn aýdanynda 160 oryndyq balabaqshanyń qurylysy bastaldy. Qurylysty kelesi jyldyń maýsym aıynda aıaqtaý josparlanyp otyr.
Ratýshnyı – Qazybaev – Serikov - Rysqulov kósheleriniń sheginde turatyn turǵyndar úshin bıylǵy jyldyń maýsym aıynda jeke menshikte bolǵan eki qabatty ákimshilik ǵımarat satyp alyndy. Qazirgi ýaqytta kúrdeli jóndeý júrgizýge jobalaý-smetalyq qujattama ázirlenip jatyr. Jobalaý osy jyldyń jeltoqsan aıynda aıaqtalady. Qurylys 2023 jyldyń İ toqsanynda bastalady.
Medısınalyq qyzmet kórsetý sapasyn jaqsartý jáne onyń jaqyn jerden kórsetilýin qamtamasyz etý úshin Jetisý aýdanynda 3 densaýlyq saqtaý obektisi boıynsha jumys júrgizilýde.
Bıyl tamyz aıynda 500 kelýshige arnalǵan, ıaǵnı Omarov kóshesinde 200 kelýshige jáne Núsipbekov kóshesinde 300 kelýshige arnalǵan emhanalardy ornalastyrý úshin
2021 jyly satyp alynǵan 2 ǵımaratqa kúrdeli jóndeý júrgizý úshin jobalaý-smetalyq qujattamany ázirleý bastaldy. Ázirleý jumystaryn osy jyldyń sońyna deıin aıaqtaýdy josparlap otyrmyz. Qurylys-montajdaý jumystaryn 2023 jyly bastaý josparlanǵan.
Osy jyldyń sońyna deıin "Kemel" shaǵynaýdanyndaǵy 200 kelýshige arnalǵan otbasylyq-dárigerlik ambýlatorıa salynyp bitedi.
"Kemel", "Aınabulaq" jáne "Qulager" shaǵynaýdandarynda 3 dene shynyqtyrý-saýyqtyrý kesheniniń qurylysy aıaqtaldy.
Aǵymdaǵy jyldyń qazan aıynda tegin úıirmeler men seksıalarǵa balalardy qabyldaý bastalady. Bul keshenderge kún saıyn 700-ge jýyq bala bara alady.