Almatynyń Jetisý aýdanynyń turǵyndarymen kezdesý barysynda qala basshysy Erbolat Dosaev osy aýdanda ınjenerlik ınfraqurylymnyń damýy týraly aıtyp berdi.
«Jetisý aýdanyndaǵy jumysymyzdyń basty baǵytynyń biri turǵyndaryna sapaly komýnaldyq qyzmetter kórsetý», - dedi Erbolat Dosaev.
- Qazir aýdanda 80 km sýmen qamtý jáne 71 km káriz jelilerin salý boıynsha 2 jańa iri ınjenerlik joba júzege asyrylyp jatyr. Bul jobada Kemel, Aınabulaq saıy, Serikov, Qazybaev, Fevralskaıa, Omarov jáne t.b. 100-den astam kóshe qamtylady.
- Birinshi jobany «Almatyınjstroı» JSHS iske asyryp, «Kemel» shaǵyn aýdanyn tolyq qamtıdy. Byltyr 5,7 km bolatyn 3 kóshege magıstraldyq sý qubyrlary tartyldy. 2024 jyly jumystar jalǵasady jáne osy jyldyń sońyna deıin aıaqtalady.
- Ekinshi jobany «NKO» JSHS júzege asyryp jatyr, ol 81 kósheni qamtıdy. Ótken jyly qurylys-montajdaý jumystary 15 kóshede júrgizildi, onyń 4-ýi tolyǵymen aıaqtaldy. 2024 jyly taǵy 35 kóshede jumystardy júrgizý josparlanǵan.
- Sonymen qatar, 2023 jyly jalpy uzyndyǵy 5,1 km, onyń ishinde Qulager jáne Aınabulaq-2 shaǵyn aýdanynda jáne Kazakov, Brodskıı, Kolpakovskıı-Esenov kóshelerinde magıstraldyq jylý jelilerin rekonstrýksıalaý júrgizildi.
«Bıyl Aınabulaq-2, 3 shaǵyn aýdanynda jáne Brodskıı kóshesinde uzyndyǵy 3,3 km jylý magıstraldaryn rekonstrýksıalaý jumystaryn jalǵastyramyz», - dedi megapolıs basshysy