Elimizde 2023 jylǵy qańtar-aqpanda túrli óndiris salalarynda 7134 mlrd teńgeniń ónimi óndirildi.
Ulttyq statısıka búrosynyń málimetinshe, ken óndirý salasynda – 3411 mlrd teńgege (jalpy kólemnen 47,8%), óńdeý salasynda – 3132 mlrd teńgege (43,9%) ónim óndirilgen, dep habarlaıdy Almaty-akshamy.kz
«Óndiristiń ósýi taý-ken óndirý ónerkásibi jáne karerlerdi qazýda – 0,5%, óńdeý ónerkásibinde – 2,5%, elektr energıasymen, gazben, býmen, ystyq sýmen jáne aýany kondısıalaýmen jabdyqtaýda – 4,6%, sýmen jabdyqtaý; qaldyqtardy jınaý, óńdeý jáne joıý, lastanýdy joıý boıynsha qyzmette 3,2% baıqalady. Tabıǵı gazdy (101,1%), temirdi qospaǵanda, kenderdi (107,6%), ózge de paıdaly qazbalardy (112,9%) óndirý salalarynyń artýyna baılanysty 2023 jylǵy qańtar-aqpanda taý-ken óndirý ónerkásibi jáne karerlerdi qazýda ónerkásip óndirisiniń ındeksi 100,5% qurady», – delingen habarlamada.
Óńdeý ónerkásibinde esepti kezeńde 2022 jylǵy sáıkes kezeńmen salystyrǵanda óndiris ındeksi 102,5%-dy qurady. Ósimdik tamaq ónimderi – 9,6%, sýsyndar – 22,6%, óńdelgen munaı ónimderi – 6,5%, rezeńke jáne plasmass buıymdary – 9,4%, negizgi farmasevtıkalyq ónimder men farmasevtıkalyq preparattar óndirý – 16,7%, mashına jasaýda 31,5% bolyp belgilendi.
Óndiris kóleminiń ósýi respýblıkanyń 13 óńirinde tirkeldi, al Aqtóbe, Batys Qazaqstan, Qaraǵandy, Qostanaı, Qyzylorda, Shyǵys Qazaqstan oblystarynda jáne Astana qalasynda, kerisinshe, tómendegen.