Qar tazalaýǵa 129 tehnıka jumyldyryldy.
Jeti myńnan astam temirjolshy joldardy qardan tazartty, dep habarlaıdy Almaty-akshamy.kz.
Bul týraly «Qazaqstan temir joly» UK» AQ baspasóz qyzmeti habarlady.
«Aýa raıynyń qolaısyzdyǵyna baılanysty poıyzdar qaýipsizdigin qamtamasyz etý úshin keıbir temirjol ýchaskelerinde qozǵalys jyldamdyǵyna shekteýler qoıyldy. Osyǵan baılanysty poıyzdardyń qozǵalys kestesine ózgerister engizildi. Temirjolshylar kúrdeli meteojaǵdaılarda turaqty tasymaldaý prosesin uıymdastyrýǵa barynsha kúsh salýda. Jaýǵan qalyń qarǵa baılanysty temir joldaryn, baǵyttamalyq burmalardy, jolaýshylar platformalaryn tazartý boıynsha úzdiksiz jumystar júrgizilip jatyr», - dep jazylǵan habarlamada.
Úsh kún ishinde temirjol jelisinde táýlik boıy 7 myńnan astam temirjolshy jumys istedi. Arnaıy qar arshıtyn tehnıkanyń 129 birligi jumyldyryldy.
Negizgi is-sharalar Qaraǵandy, Qostanaı, Semeı bólimsheleri aýmaǵyndaǵy magıstraldyq jelilerde ótkizildi.