Qor naryǵynda dollar arzandady.
Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege qatysty baǵamy tómendedi, dep habarlaıdy Almaty-akshamy.kz.
Kúndizgi saýda-sattyq málimetine qaraǵanda, dollar baǵamy 2, 53 teńgege tómendep, 1 dollar 463, 31 teńge boldy.
Aıta keteıik, Ulttyq banktiń 6 qańtardaǵy resmı baǵamy – 1 dollar úshin 465, 93 teńge boldy.
Kurs.kz málimetinshe, Almatydaǵy aqsha aıyrbastaý pýnktterinde dollardyń satý baǵamy – 464 teńge, satyp alý – 468 teńge.
Al, Astana qalasy boıynsha satý baǵamy 464 teńgeden bolsa, satyp alý – 467 teńge.
Reseı rýbli 6,27 – 6,37 teńge aralyǵynda saýdalanyp jatyr.
QR Ulttyq bankiniń deregine sáıkes, 6 qańtar kúni Reseı rýbliniń ortasha saralanǵan baǵamy 6,53 teńge boldy.