Jyl basynan beri segiz myńǵa jýyq sheteldik mindetti daktıloskopıalyq tirkeýden ótti. Sonymen qatar qujattardy ázirleý kezinde daktıloskopıalyq tirkeýden jeti myńnan astam qazaqstandyq erikti túrde ótti, – dep habarlaıdy Polisia.kz
Saýsaq izin tirkeý – bul saýsaqtardyń papıllárlyq úlgileriniń qurylymdyq erekshelikteri týraly aqparat alý. Mundaı tirkeý halyqqa qyzmet kórsetý ortalyqtarynda júrgiziledi.
Daktıloskopıalyq tirkeýden 16 jasqa tolǵan, Qazaqstan Respýblıkasy azamatynyń jeke kýáligin jáne (nemese) pasportyn alý úshin alǵash ret júgingen, sondaı-aq qujattaryn aýystyrý úshin júgingen Qazaqstan Respýblıkasynyń azamattary óz erkimen óte alady.
Al mindetti daktıloskopıalyq tirkeýge 16 jasqa tolǵan sheteldikter men azamattyǵy joq adamdar jatady. Qazaqstan Respýblıkasynyń Ákimshilik quqyq buzýshylyq týraly kodeksiniń 443-1-babyna sáıkes sheteldikterdiń nemese azamattyǵy joq adamdardyń mindetti daktıloskopıalyq tirkeýden bas tartýy Qazaqstan Respýblıkasy aýmaǵynan shyǵarý túrindegi jazany kózdeıdi.
Bul rásim adamnyń múddelerin qorǵaý jáne onyń zańdy quqyqtaryn qamtamasyz etý úshin júrgiziledi. Eger adam qujattaryn joǵaltyp alsa, saýsaq izin tirkeý olardy qysqa merzimde qalpyna keltirýge kómektesedi.
Sonymen qatar onyń kómegimen jeke tulǵany tez arada anyqtaý múmkindigi bar. Mysaly, onyń tıimdiligin este saqtaý qabileti nashar nemese esinen tanyp qalǵan azamatty taný kezinde baıqaýǵa bolady. Qazaqstan azamattarynyń daktıloskopıalyq derekteri memleket tarapynan qorǵalady