QR Qarýly Kúshteri qatarynda 7 myńǵa jýyq qyz-kelinshek jumys isteıdi.
Qazaqstan Respýblıkasynyń Qarýly kúshterinde 7 myńǵa jýyq názik jan kelisimshart boıynsha eńbek etedi, dep habarlaıdy Almaty-akshamy.kz QazAqparatqa silteme jasap.
Onyń kópshiligi qatardaǵy jaýynger, serjanttyq jáne ofıserlik qyzmet atqarady.
Onyń ishinde 800-ge jýyq ofıser, 2 myńǵa jýyq serjant jáne 4 myńǵa jýyq qatardaǵy jaýynger bar.
«Jeti áıel - joǵary laýazymdarda. Atap aıtqanda, Qorǵanys mınıstriniń kómekshisi, Qorǵanys mınıstrligi departamenti bastyǵynyń orynbasary, qorǵanys isteri jónindegi departament bastyǵynyń orynbasary, áskerı gospıtál, baza, ortalyq jáne lazaret bastyǵynyń orynbasary», - delingen Qorǵanys mınıstrliginiń QazAqparat agenttiginiń resmı saýalyna berilgen jaýapta.
Aıta keteıik, elimizde Otan qorǵaýshy kúni atalyp ótip jatyr.
Sondaı-aq, búgin QR Qarýly Kúshteriniń qurylǵanyna 31 jyl toldy.