Almatyda jerústi ótkelderindegi lıftter men kótergish qurylǵylar jańa standartqa saı jóndeledi
Almatydaǵy jerústi jáne jerasty jaıaý júrginshiler ótkelderi jańa standart boıynsha jóndeledi. Bul týraly Almaty ákimi Erbolat Dosaev Áýezov aýdany turǵyndarynyń suraqtaryna jaýap berý kezinde aıtty.
Suraq:
Bizde búkil qalada kópirlerde kótergishter bar. Olardy kútip ustaýǵa jáne paıdalanýǵa aqsha bólinedi, biraq olar árdaıym jumys isteı bermeıdi. Kilt máselesi de bar. Qashan tártip ornatylady?
Aýdan turǵynynyń suraǵyna jaýap bere otyryp, qala ákimi teń qoljetimdilik pen teń múmkindikti usynýǵa qatysty másele erekshe baqylaýda ekenin atap ótti.
«Men arnaıy komısıa qurdym, ony ózim basqaramyn. Qala qurylysy keńesine qatysty máseleni ınklúzıvti qoǵamǵa engizdim. Qurylys erejesinde biz qazir osyndaı ókilettikke ıe boldyq. Memleket basshysy Almatynyń erekshe mártebesi týraly Zańǵa ózgerister men tolyqtyrýlarǵa qol qoıdy, onda nysandardy qabyldaý, talaptar boıynsha máseleler kózdeledi. Almaty qalasynyń dızaın-kodynda biz qajetti zattardy bekittik», - dedi Erbolat Dosaev.
Tek Áýezov aýdanynda jyl sońyna deıin 5 jerústi ótkeli jańa standart boıynsha qaıta jańartylady.
Megapolıs basshysynyń aıtýynsha, lıft kiltiniń ornyna azamattardyń, onyń ishinde qarttar men erekshe qajettiligi bar azamattardyń jeńildetilgen sanatyn eskeretin «Onaı» kartochkalaryn paıdalaný múmkindigi qarastyrylýda.
«Ókinishke qaraı, keıbir qala turǵyndarynyń mádenıeti tómen, bul ótkelde lıftti paıdalanýǵa qatysty. Sondyqtan, biz oǵan shynymen muqtaj jandardyń múddesi úshin shekteýler engizýge májbúrmiz», - dedi Almaty ákimi.
Habarlanǵandaı, aýdandaǵy lıftter osy jyldyń sońyna deıin jóndeledi.