Bul týraly Almaty ákimi Erbolat Dosaev Áýezov aýdanynyń turǵyndarymen kezdesýde aıtty
Suraq:
Biz «Aqsaı-3b» shaǵyn aýdanynyń turǵyndary Tóle bı kóshesiniń jaı-kúıine alańdaımyz. Keı jerde aryqtar topyraqpen kómilgen, aýlalarǵa kireberis jerdiń jaǵdaıy máz emes, bul jumystar qashan bitedi?
Ákimniń jaýaby:
Qazirgi tańda Tóle bı kóshesin Iassaýı kóshesinen Áshimov kóshesine deıin uzartý jumystary jalǵasyp jatyr, búdjette qarajat kózdelgen. Biraq basty másele jer telimin satyp alý boldy. 160 ýchaskeniń 140-y satyp alyndy, 1-i satyp alynyp jatyr, 7-i sot prosedýrasynda, 12-si qaralyp jatyr. Jyl sońyna deıin ýchaskelerdi satyp alýdy aıaqtaýdy josparlap otyrmyz. Qazir qalalyq mobıldilik basqarmasynyń basshysy men aýdan ákimine aýlalarǵa kireberisti retke keltirýdi tapsyramyn. Jalpy, joba aıasynda trotýarlar men aryqtar jabdyqtalady.
Anyqtama úshin:
Uzartylatyn jerdiń jalpy uzyndyǵy-2,2 km. Búginde jer tóseminiń negizin salý, ınjenerlik komýnıkasıalardy qaıta qurý boıynsha jumystar júrgizilip jatyr. Qurylys-montajdaý jumystaryn kelesi jyldyń sońynda aıaqtaý josparlanyp otyr.