Mamandar Kahramanmarash jerasty dúmpýleri áli de jarty jyl boıy jalǵasady degen boljam jasady. Túrkıada kúshti jer silkinisi bolatynyn boljaǵan Nıderland zertteýshisi Frank Hýgerbıts naýryz aıynyń basynda jańa apattar bolýy múmkin ekenin eskertti.
Eske sala ketsek, 6 aqpanda Túrkıanyń Kahramanmarash provınsıasynda magnıtýdasy 7 baldan asatyn eki jer silkinisi boldy. Jer silkinisi eldiń 10 provınsıasynda, sondaı-aq kórshiles memleketterde, sonyń ishinde Sırıada da sezildi.
7 naýryzda Túrkıanyń Hataı, Kahramanmarash jáne Kaıserı provınsıalarynda úsh jer silkinisi boldy, dep habarlaıdy Almaty-akshamy.kz.Egemen.kz-ke silteme jasap.
Túrkıanyń shyǵysyndaǵy Malatıa provınsıasynda 4,5 baldyq jer silkinisi boldy.
Bul týraly Túrkıa úkimeti janyndaǵy tótenshe jaǵdaılardyń aldyn alý jáne zardaptaryn joıý basqarmasynyń (AFAD) saıtynda habarlandy.
Jer asty dúmpýleri 05:13 kezinde 8 km tereńdikte tirkelgen.
Buǵan deıin saǵat 04:34-te magnıtýdasy 4,7 baldyq 10 km tereńdiktegi jer silkinisi tirkelgen.
Eki jaǵdaıda da jer silkinisiniń oshaǵy Pútýrge aýdanynda boldy.
Buǵan qosa Túrkıanyń ońtústigindegi Hataı provınsıasynda da magnıtýdasy 4,4 bolatyn jer silkinisi tirkeldi.
Túrkıa úkimeti janyndaǵy tótenshe jaǵdaılardyń aldyn alý jáne zardaptaryn joıý basqarmasynyń (AFAD) habarlaýynsha, jer silkinisiniń oshaǵy Hassa aımaǵynda bolǵan.
Aqpan aıynda bolǵan jer silkinisteriniń Túrkıaǵa keltirgen shyǵyny 100 mlrd dollardan asýy múmkin.
Túrik polısıasy ǵımarattary jer silkinisine tózimdi bolýy tıis qurylys merdigerlerin tergeý aıasynda 269 kúdiktini ustady.
Sońǵy resmı derekterge sáıkes, tabıǵı apat 48 myńǵa jýyq adamnyń ómirin qıdy.