Mobıldi qosymsha arqyly turǵylyqty jer men ýaqytsha mekenjaı boıynsha tirkeý rásimdeýge bolady, dep habarlaıdy Almaty-akshamy.kz QazAqparat-qa silteme jasap.
«Kaspi.kz İİM kóshi-qon qyzmeti komıtetimen, Sıfrlyq damý, Ádilet mınıstrlikterimen birlesip jańa servısti iske qosty. Endi óz smartfonyńyzdyń ekranynda jáne osy banktiń qosymshasynda turǵylyqty jerińiz ben mekenjaı boıynsha ýaqytsha nemese turaqty tirkeýdi rásimdeı alasyz. Bul qyzmet ózińizdi, balalaryńyzdy, páterińizdegi basqa adamdardy tirkeýge nemese tirkeýden shyǵarýǵa múmkindik beredi», - dedi İshki ister mınıstrliginiń ókili Shuǵyla Turlybek vedomstvonyń onlaın-brıfıngisinde.
Onyń aıtýynsha, tirkeý kezinde JSN engizý jetkilikti, al aty-jóni men mekenjaıy avtomatty túrde anyqtalady.
«Bul qyzmetti paıdalaný qaýipsiz. Tirkelý kezinde fotoverıfıkasıadan ótý kerek, ol sizdiń atyńyzdan qyzmetti eshkim paıdalana almaıtynyna kepildik beredi. Azamattarǵa smartfonda kólikti tirkeý, júrgizýshi kýáligin berý, turǵylyqty jeri boıynsha tirkeý jáne esepten shyǵarý sıaqty suranysqa ıe memlekettik qyzmetter qoljetimdi», - dedi Shuǵyla Turlybek.