2 075 ótinish boıynsha oń sheshim qabyldandy.
Almatynyń jer komısıasy qala turǵyndarynyń 3 000-nan astam ótinishin qarady. Bul týraly Óńirlik komýnıkasıalar qyzmetiniń onlaın-brıfıngi barysynda Almaty qalasy jer qatynastary basqarmasynyń basshysy Ardaq Samambetov málimdedi, dep habarlaıdy Almaty-akshamy.kz
Spıkerdiń aıtýynsha, basqarma memlekettik qyzmettiń 8 túrin usynady. Aǵymdaǵy jyldyń 7 aıynda barlyǵy 5 472 memlekettik qyzmet kórsetildi, onyń ishinde basym bóligi elektrondyq úkimet saıty arqyly – 4 638, memlekettik organ arqyly – 834.
«Bıylǵy jyly basqarmaǵa jerdi paıdalanýdyń túrli salalaryna qatysty jeke tulǵalar men zańdy tulǵalardan 7 655 ótinish kelip tústi. Azamattar kóbinese jer ýchaskelerin zańdastyrý, jalǵa alýdy uzartý, jer telimi úshin jaldaý aqysyn esepteý boıynsha júginedi», - dedi A.Samambetov.
Spıkerdiń aıtýynsha, bıyl jer komısıasynyń 8 otyrysy ótkizilip, onda 3 128 ótinish qaralyp, 2 075 ótinish boıynsha oń sheshim qabyldandy.
Sonymen qatar, jyl basynan beri Almaty qalasynyń jer qatynastary basqarmasy energetıka, densaýlyq saqtaý, balabaqsha, sport jáne basqa da nysandar qurylysy úshin 58 jer telimin bergeni belgili boldy.
«Memleket muqtajy úshin qoǵamdyq mańyzy bar jobalardy júzege asyrý úshin 105 jer telimi alyndy. Mysaly, Abaı dańǵylyn Iassaýı kóshesinen qala shekarasyna deıin uzartý úshin, sondaı-aq Rysqulov dańǵyly men Emsov kóshesiniń qıylysynda jol aıryǵyn salý úshin jer telimderdi satyp alý aıaqtaldy», - dep atap ótti JQB basshysy.
Almaty qalasyn damytýdyń Bas josparyn júzege asyrý maqsatynda ál-Farabı dańǵylynyń boıyndaǵy (Vıtebskaıa kóshesiniń qıylysy), "Mádenıet" shaǵynaýdanynda jol salý úshin, sondaı-aq Túrksib aýdanyndaǵy Chıtınskaıa kóshesindegi kárizdik sorǵy stansıasyn salý úshin jer telimderi satyp alyndy.
62 nysan jumys isteýde, onyń ishinde aǵymdaǵy jyly 15 nysandy satyp alýdy aıaqtaý josparlanyp otyr. Olardyń ornyna jańa joldar men áleýmettik nysandar salynady.
JQB-nyń mańyzdy sheshimi áleýmettik máseleler boldy. Óńirlik komýnıkasıalar qyzmeti buryn óz betinshe ıelenip alǵan turǵyndarǵa jer quqyǵyn berdi, bul 644 otbasyna jer ýchaskelerin zańdastyrýǵa múmkindik berdi.