Jyl basynan beri Almaty oblysynyń Raıymbek aýdanyndaǵy 17 448 ga jer memleket menshigine qaıtarylǵan.
Bul týraly «AMANAT» partıasynyń hatshysy Dáýlet Káribek málim etti, dep habarlaıdy Almaty-akshamy.kz.
«Jyl basynan beri Raıymbek aýdanynyń paıdalanylmaı jatqan 17 448 gektar jeri memleket menshigine qaıtaryldy», - delingen Dáýlet Káribektiń habarlamasynda.
Atap aıtqanda:
- Uzaq batyr aýyldyq okrýgine karasty Shálkóde jaılaýynan 4200 ga;
- Shalkóde aýyldyq okrýginen 2000 ga;
- «NAC Product» jaýapkershiligi shekteýli seriktestiginin 535 ga;
- «Han táńiri» JSHS - 5141,1 ga;
- «Ajaragro» JSHS - 959 ga;
- «Safarı Taý Shelek» JSHS 2619 ga;
- «Agro Alataý» 407 ga;
- «A and Sompany» 250 ga;
- jáne jeke tulǵalardan 1337 ga jer ýchaskeleri sot sheshimi arqyly kaıtaryldy.
Al «A and D» company JSHS-ne qarasty 1500 ga jer ýchaskesin qaıtarý úshin Aýylsharýashylyǵy mınıstrligi Jer komıtetimen jáne aýdandyq ákimshilikpen birlese otyryp, tıisti aktiler toltyrylyp, habarlama jiberildi.
«Oǵan qosa, 18 000 ga jer telimin qaıtarý boıynsha jumystar júrýde. Onyń ishinde «Shındal-San» – 3500 ga, Qýat LtD JSHS – 14000 ga, «Tengri Land» JSHS-niń 400 ga jerin qaıtarý úshin Almaty oblystyq mamandandyrylǵan aýdanaralyq ekonomıkalyq sotyna joldandy», - dep atap ótti «AMANAT» partıasynyń Hatshysy.