Banknotalardyń taralymy 5 mıllıon danamen shektelgen.
9 mamyrda Uly Jeńistiń 80 jyldyǵyna arnap nomınaly 1 000 teńgelik mereıtoılyq banknota aınalymǵa shyǵady, dep habarlaıdy aqshamnews.kz Ulttyq bankke silteme jasap.
Mereıtoılyq banknotanyń dızaıny:
Banknotalardyń túsi – qońyr-sarǵylt.
Aldyńǵy betinde:
28 gvardıashy-panfılovshylar atyndaǵy saıabaǵy Dańq memorıaly beınelengen;
Mıkro-optıkalyq qorǵanys jolaǵy. Banknota buryshyn ózgertken kezde jolaqta tereńdiktiń, kólemniń jáne jyltyrdyń úsh ólshemdi áseri, sondaı-aq máńgilik alaý men ushyp bara jatqan tyrnalar kórinedi. Tyrnalar sılýeti – jaqsylyq pen úmittiń beınesi.
Ekinshi betinde:
tarıhı muraǵattyq sýretterdiń úzindilerimen Qazaqstan kartasy beınelengen;
erlik, tabandylyq pen batyrlyqtyń sımvoly retinde Otan soǵysy ordeni kórsetilgen.
Nomınaly 1 000 teńgelik mereıtoılyq banknota óz qunyna saı Qazaqstan Respýblıkasynyń búkil aýmaǵynda tólemniń barlyq túri boıynsha qabyldaýǵa jaramdy. Sondaı-aq banktik shotqa salýǵa, Respýblıkanyń barlyq bankinde aýdarýǵa jáne usaqtalýǵa mindetti.