Olımpıada jeńimpazdary elge oraldy.
Búgin tańerteń Almaty jurtshylyǵy áýejaıdan Olımpıada oıyndarynyń chempıony Eldos Smetov pen qola júldeger Ǵusman Qyrǵyzbaev bastaǵan dzúdodan Qazaqstan quramasyn kútip aldy, dep habarlaıdy akshamnews.kz
Almaty áýejaıynda adamnyń kóptiginen aıaq alyp júrgisiz. Alǵashqy lekpen kelgen chempıon men ózge de sportshylardy jaqyndary men jankúıerleri kútip aldy.
Almaty qalalyq dzúdo federasıasy almatylyq qola júldeger Ǵusman Qyrǵyzbaevqa qymbat kólik mingizdi.
«Ǵusman ákelgen qola – Almaty úshin altynmen teń bolyp tur, óıtkeni bul tarıhymyzdyń jańa beti. Ol ózi sportshy retinde ǵana emes, adam retinde de jaqsy jigit, sondyqtan laıyqty eńbegin baǵalap, ómirin jeńildetý maqsatynda osy kólikti syılap otyrmyz» dedi Almaty qalalyq dzúdo federasıasynyń basshysy Alı Hamhoev.