Qalamyzda jyl basynan beri 32 myńnan astam jańa jumys orny ashyldy.
Almatynyń Ekonomıka basqarmasy turǵyndardyń ál-aýqatynyń ósýin qamtamasyz etý boıynsha qabyldanyp jatqan sharalar týraly aıtty, dep habarlaıdy aqshamnews.kz
Bıyl maýsym aıynda jyldyq ınflásıa mamyrdaǵy 9%-dan 8,4%-ǵa deıin baıaýlady. Bul azyq-túlik taýarlary baǵasynyń 7,7%-ǵa jáne azyq-túlik emes taýarlar baǵasynyń 5,6%-ǵa deıin tómendeýi esebinen boldy. 2024 jyly jyldyq ınflásıa odan ári 7-7,5%-ǵa deıin baıaýlaıdy dep boljanyp otyr.
Bıyl birinshi toqsanda nomınaldy aqshalaı kiris orta eseppen árbir almatylyqqa 22,9% ósip, 287 myń teńgege jetti. Naqty mánde ósim 11,9%.
Ortasha aılyq jalaqy 454 myń teńge bolyp, nomınaldy mánde jalaqy 16,4%, naqty mánde 6% ósti.
Turaqty jumys oryndaryn qurýǵa basa nazar aýdarylyp otyr. 32,7 myń jumys orny quryldy, onyń 75%-y turaqty. Osylaısha, jumyssyzdyq deńgeıi 4,7%-ǵa deıin tómendedi.