Bıyl Uly Jeńistiń 80 jyldyǵy atalyp ótedi. Bul aıtýly mereke Qazaqstannyń árbir azamaty úshin erekshe mańyzǵa ıe. Óıtkeni surapyl soǵystyń zardabyn tartpaǵan otbasy kemde-kem. Memleket basshysy atap ótkendeı:
"Soǵysta qaza tapqandardy umytpaı, qaharman erlerimizdiń rýhyna taǵzym etý, el ishinde beıbitshilik pen tynyshtyqty saqtaý – barshaǵa ortaq paryzymyz."
Osyǵan oraı, M.Jumabaev atyndaǵy №137 mektepte jastarǵa patrıottyq tárbıe berý maqsatynda «Jeńis jolyndaǵy erlik – tarıhtan bolashaqqa» atty qalalyq is-shara uıymdastyryldy.
İs-sharany ótkizýge mektebimizdiń muǵalimderi: Arynova Sveta Keńesbekqyzy, Nurkeeva Saýle Qusmanqyzy, Erserkenova Saltanat Ahmetjanqyzy, Qýatova Gúlnar Qabylqyzy, Jolymova Sveta Kamalovna, Qasylkárimova Raýshan Maralbekqyzy, Dýambekova Aıala Qanatqyzy, Baýyrjan Jalǵas, Mojanova Aızat Quttybaıqyzy uıytqy boldy.
İs-sharanyń negizgi maqsaty – maıdan dalasynda ot keshken batyrlarymyzdyń erligin jas urpaqqa nasıhattaý, olardyń jeńis jolyndaǵy qajyrly kúresin eske alý jáne jastardy otansúıgishtikke tárbıeleý.
Kesh qonaqtary adamzat tarıhyndaǵy eń zulmat soǵystyń zardaptary týraly áńgimelep, jeńisti jaqyndatqan maıdangerlerdiń estelikterimen bólisti. Sondaı-aq mektep oqýshylary Uly Jeńistiń 80 jyldyǵyna arnalǵan ónerlerin pash etti. Kesh barysynda patrıottyq ánder shyrqalyp, bı qoıylymdary oryndaldy, jyr shýmaqtary oqylyp, ulttyq kúıler oryndaldy.
Sonymen qatar, mektep muǵalimderi Kólbaev Meıram men Karıken Gúlnafıstiń uıymdastyrýymen Jeńistiń 80 jyldyǵyna arnalǵan kórme uıymdastyryldy. Bul kórme oqýshylardyń mádenı jáne shyǵarmashylyq qabiletterin damytýǵa, beıneleý óneriniń tereń syrlaryn tanýǵa múmkindik berdi.
Búginde beıbit aspan astynda ómir súrip kele jatqanymyzǵa 80 jyl tolyp otyr. Alaıda maıdanda shaıqasqan ardagerler qatary jyl ótken saıyn sırep barady. Bizdiń basty mindetimiz – olardyń esimderin máńgi este saqtaý, qurmet kórsetý, sondaı-aq óskeleń urpaqqa otansúıgishtik pen birliktiń qundylyǵyn dáripteý.
Almaty qalasy, Jetisý aýdany
M.Jumabaev atyndaǵy №137 mektep dırektorynyń orynbasary
G. A. Delegeeva