Májilis depýtattary dıplomattar men áskerılerdiń áıelderiniń shetelde turǵan kezeńin jumys ótili retinde esepteýdi usynǵan bolatyn.
Bul bastama shetelde jumys tabý qıyndyǵyna baılanysty qarjylyq táýeldilikke ushyraıtyn áıelderdi qoldaýǵa baǵyttalǵan, dep habarlaıdy aqshamnews.kz El.kz aqparat agenttigine silteme jasap.
Úkimettiń málimetinshe, qoldanystaǵy Áleýmettik kodekske sáıkes, dıplomattar men áskerılerdiń jubaılary belgili bir sharttarǵa saı jumys ótili retinde esepteletin merzim arqyly zeınetaqymen qamsyzdandyrylady. Eger olar shetelde jubaıymen birge tursa nemese kásibı qyzmetin jalǵastyrýǵa múmkindigi bolmasa, bul ýaqyt eńbek ótiline qosylady. Sonymen qatar, kópbalaly analar, múgedek balaǵa nemese egde jastaǵy adamdarǵa kútim jasaǵan áıelder úshin de osyndaı jeńildikter qarastyrylǵan.
Budan bólek, birlesken otbasylyq zeınetaqy anýıteti engizilip, ol erli-zaıyptylarǵa zeınetaqy jınaqtaryn biriktirýge múmkindik beredi. Osylaısha, dıplomattar men áskerılerdiń áıelderi jumys istemese de, zeınetke shyǵý múmkindigine ıe bolady.