Búginde jeńildetilgen avtokredıt boıynsha qazaqstandyqtar KIA, Hyundai, Chevrolet, JAS, LADA kólikterin ala alady.
Jeńildetilgen avtokredıt baǵdarlamasy 30 jylǵa josparlanǵan, dep habarlaıdy Almaty-akshamy.kz
Oǵan qatysý úshin tómendegi talaptardy oryndaý kerek:
Tutynýshy avtosalonǵa baryp, Qazaqstanda jasalǵan kóliktiń birin tańdaýy kerek.
Avtosalon qyzmetkeri avtokredıt alýshyǵa qoldaný merzimi 5 kúnnen aspaıtyn, ári alatyn kóliktiń VIN-kody jazylǵan esepshotty beredi;
Tutynýshy bankke baryp, kóliktiń VIN-kodyn kórsetip, esepshotty usynýy shart.
Bank ótinimdi qabyldaǵan sátten bastap, tutynýshy elektrondy kezekke turady.
Bank tutynýshynyń tólem qabiletin jáne kredıt tarıhyn tekseredi. Ol jeńildetilgen avtokredıt berý týraly sheshim qabyldaǵan jaǵdaıda tutynýshyǵa qoldaný merzimi 5 kúnnen aspaıtyn kepilhat beredi;
Tutynýshy kepilhatty alǵan soń avtokólikti rásimdeý úshin avtosalonǵa barýy tıis;
Eger tutynýshy kepilhatty alǵan kúnnen bastap, 10 kúnnen keshiktirmeı, avtokredıtti alý shartyn rásimdese, ol kezekten shyǵarylady;
Tutynýshy avtokredıtke ótinim bergennen keıin kóliginiń markasy men modelin ózgerte almaıdy jáne kezekti basqa adamǵa bere almaıdy.
Eger tutynýshy jeńildetilgen avtokredıtti alýdan bas tartsa, ol elektrondy kezekten shyǵarylady, onyń ornyna jańa qatysýshy qoıylady. Baǵdarlamaǵa bir tutynýshy 2 jylda bir-aq ret qatysa alady.
«Ekinshi deńgeıli bankter tutynýshynyń tólem qabiletin tekseredi, ári avtoqaryzdardy maquldaýǵa jaýap beredi. Bank avtokredıt alýǵa ótinimdi maquldaǵannan keıin ótinimniń mártebesin tutynýshynyń ózi «Ónerkásipti damytý qory» AQ-nyń qatysýynsyz tıisti banktiń platformasynda (onlaın-kezek) baqylaı alady», - dep jazylǵan Ónerkásipti damytý qorynyń habarlamasynda.
Aıta keteıik, Qazaqstanda jeńildetilgen avtokredıtti 4 bank beredi: Halyk Bank, «Bank SentrKredıt», Forte Bank. Búginde jeńildetilgen avtokredıt boıynsha qazaqstandyqtar KIA, Hyundai, Chevrolet, JAS, LADA kólikterin ala alady.