164 eldiń delegasıasy búgingi kúnniń eń ózekti máselelerin talqylaý úshin jınaldy.
Bul – balyq sharýashylyǵyn sýbsıdıalaý, aýyl sharýashylyǵy, pandemıaǵa qatysty is-qımyl, az damyǵan elderdiń problemalary jáne azyq-túlik qaýipsizdigi boıynsha máseleler, dep habarlaıdy Almaty-akshamy.kz Qazaqtv.com saıtyna silteme jasap.
"Birinshiden, bul - Dúnıejúzilik saýda uıymynyń pandemıaǵa bergen jaýaby. Bul jerdegi áńgime dári-dármekti avtomatty túrde lısenzıalaý, Uıymnyń ıntellektýaldy menshik boıynsha erejelerin jeńildetý týraly bolyp otyr. Iaǵnı bir elde jasalǵan vaksınalardy az talappen basqa memleketterge taratýǵa múmkindik berilmek. Ekinshiden, árıne, azyq-túlik máselesi. Keıbir elder óz múddesin birinshi orynǵa qoıyp, astyq, kúrish, maı jáne basqa ónimderge eksporttyq shekteý qoıýǵa umtylady. Sonyń aldyn alý úshin Dúnıejúzilik saýda uıymy tıisti Deklarasıa qabyldaýdy josparlap otyr", - dedi QR Prezıdenti ákimshiligi basshysynyń birinshi orynbasary Tımýr Súleımenov.
Aıta keteıik, 12-shi mınıstrlik konferensıasy Jenevada 16 maýsymǵa deıin jalǵasady.