Modıfıkasıalanǵan bıtýmnyń tájirıbelik partıasy óndirildi.
Qazaqstandyq mamandar jol qurylysyndaǵy bıtýmdardyń sapasyn arttyrý úshin ońtaıly jaǵdaılar anyqtaldy, dep habarlaıdy Almaty-akshamy.kz.
««QazjolǴZI» AQ zertteý nátıjeleri boıynsha rezeńke úgindisin qosa otyryp, gýdronnyń totyǵý prosesiniń ońtaıly sharttary anyqtaldy. Osylaısha, asfáltbeton qospalaryn daıyndaý úshin mıneraldy bólshektiń quramy tańdaldy»,- delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
Alynǵan bıtýmdardyń sapasyn jaqsartýǵa jáne temperatýrany tómendetýge, sondaı-aq ýaqytty únemdeýge múmkindik beretin tehnologıa gýdronnyń totyǵý prosesiniń qolaıly sharty bolyp tabylady.
Tájirıbeli ýchaske Almaty qalasynyń avtomobıl jolynda ornalasqan. Ótken jyldyń qarasha aıynan bastap «Asfáltbeton-1» JSHS zaýytynda gýdrondy totyqtyrý jáne onyń negizinde rezeńke úgindisi men asfáltbeton qosý arqyly daıyndalǵan modıfıkasıalanǵan bıtýmnyń tájirıbelik partıasy óndirildi. Búgingi tańda B tıpti asfáltbeton qospasynyń 123 t. tájirıbeli partıasy shyǵaryldy.
Zerthanalyq zertteý barysynda totyqqan ári modıfıkasıalanǵan bıtým negizinde asfáltbeton qospasynyń quramy tańdalǵanyn atap ótken jón. Osylaısha, «Asfáltobeton-1» JSHS zaýytynda totyqqan túrlendirilgen bıtým partıasy shyǵarylyp, elimizdiń ońtústik óńirinde tájirıbeli ýchaske salyndy. Óz kezeginde, bul tájirıbe júrgiziletin jaǵdaılardy qoldanystaǵy shynaıy jaǵdaılarǵa jaqyndatýǵa, totyqqan modıfıkasıalanǵan bıtýmdy qoldana otyryp, bıtýmdy baılanystyrǵyshtardy tańdaýǵa múmkindik berdi.
Aıta keterligi, 2022 jyldyń mamyr aıynda tájirıbelik ýchaske bazasynda monıtorıń júrgizildi. Monıtorıń qorytyndysy boıynsha totyqqan bıtým qoldanylǵan asfáltbeton jabyny sapaly, sondaı-aq jabynnyń tegistigi barlyq talaptarǵa sáıkes keletini anyqtaldy.
Alynǵan nátıjeler men tájirıbelik ýchaskeniń monıtorıńi negizinde «Totyqqan modıfıkasıalanǵan bıtým óndirý tehnologıasy boıynsha usynymdar» jobasynyń birinshi redaksıasy ázirlendi.